قلئي چي مورتوضون

ماهواره حكايه سي

الله رحمت ائله سين اولنن رزونن بئله منيم ددم دييردي پيس زاماندا دوغولموشوق نه يوققوشون باشيندييق نه انيشين اتيينده* بوگون كي ياشايش بئله چتين اولوب كي آدامين بيرباشي وار مين دنه چالا چولاسي *قارا گون چكديم چكديم بدي اوشاق بويودوم * سيري بركيين ديغيراندي گئتدي *ايندي بو كهنه آروادي *بيرده كي بيليرسيز اورتانجيل قيزيمين اول كي اري اولدي  ايكيمجي اري اوغلونا صاحاب چيخمادي * چارامي الله كسدي آلديم قاناتيمين آلتينا اودا زاوالچا زامانا اوشاغيدي داي نان *هرگون بي شرگتيرير *منيمده ايشيم بيليرسيزفهله ليك دي صوب گئديرم آخشا م گليرم *بو قالماميش نوه گونده يوز جوره ايشه قول قويور ويديئو چيخاندا ناوار ماوارينان قاتداشيردي *سورا سيدس گلدي اوني اوزونه ايش ائله دي * نچه ايلدي ماهواره گليب هر بش آيدان آلير گتيرير قوراشديرير* بيلميرم كيم شيطان نادير مامورلار گليب يغيب آپاريلار * ائله كي من گورورم نه گئده ال چكندي نه ده كي دولتين ماموري الدن قويمور *گونلرين بير گوني ايش اوسدوندييديم *تلفونوما زنگ آشديلاركي تز اوزوي يتير ائوه شرشبئي دي *پال پالتاريمي دئيشيب ائوه يولانديم *نه گوسم ياخجيدي اوزوز بئله گون گورمه سين بوتون قوروم قونشي آروادي اوزاديبلار اورتاليقا *واي شوءاندي *آوادانليقا باخيرام شوشه پنجره قالمييب *آي سينيب نه داغيليب سنه نه گلدي * صوب من گئدنده فندقچا ويريردين*من آغزيمي آشماميش باشلادي ناله نفرينه *قونشونون خانيمي آخري خير اولسون بير ايستكان چاي قاباغيما قويوب اولان ايشي بئله ايضاح ائله دي كي گنه مامورلار توكولدولر ائوه ماهواره ني يغيشيديراندا اوغلان مامورلارينان آتيشدي*قاپي پنجره ني سيندير دي *حاجي خانيم داكي ايسديردي آراليق ائله سين * يخيلدي اومماسي باتيب *اودوركي اوغلاني ماهواره ني گوتدولر آپارديلار *بيزده يغيشميشق مشه خانينمين باشينا *گوجي پيس ليگنن بير ماشين چاغيريب آرواد آقاني خسته خانيا آپارديم *ظولم شاخسيي نن اوزاتميشديم حكيمين تاخدينا مامور پرستار دوره مي آلدي * هه حاجي آقا خير اولا اري نن سوزي اولوب  يا ماشين ويريب منده كي ديشيم ديشيمي كسير ديشيم باغيرساغيمي *دي يه بيلمرم كي بو دارماداغين ليق ماهواره اودونده دير *دئمك اولمازكي آدامين آبيري* جانيم سنه دئسين يتميش هشتاد تومن داوا درمانان سورا *آروادي گوتوروب ائوه يول باشلاديق * الله نه ائلييم نج ائلييم *بي نفر آدامام ايشه گئدمه سم گونوم گئشمز *گئدسم ائو ائشيك قالير*اوشاق بويوگونده اوزونه ائوائشيگي وار * بير آز گئجمه ميشدن دولدولار ائوه هره سي نين آغزينان بير  آواز گلير *بيري زامانانين ياخاسين ياپيشيب ياپيشيب اوني يامانير *بيريسي محلله اوشاقلارينين بئله ايشلره قول قويماغين اوزه چكير *بيري دده نين اولماماغين ساليق سوراق وئرير *يره اوتورماخدا يوخدي هامميسي اياق اوسده *دانيشاندادا بيردن دانيشيلار درديمه شريك اولماخلارين ايسده مه ديم يريمي بش نفرين خرجي دوشوب بوينوما *آرواديندا اينگيلتيسي يدي آغاج يول گئدير*ماجال تاپاندا مني قاتير قاباغيناكي اوشاغين باشينان بير توك اسكيك اولسا اويومو داغيداجاق يوخسا بوشاناجاق *بيلميرم من گوناهين صاحابي اولموشام كي بئله قارا گونلر منيم باشيما گلير * فهله ليگينن چيخارديغيم پول داوادرمانا قسمت اولور *توكانلاردان نيسيه ائله مكدن يورولموشام *كوچه باشيندا توكاندارا بير اتك بورجوم وار * اوتانديغيمنان گوزونه گورسنه بيلميرم *الن نچه ايلدي دامين باشي سو وئريري گويدن گلن يرده دير *تامام ياتاجاغيميز چورويوب *آرتريب آرادا قير وئرنميرم *نه باشيزي آغريديم بش اون گون اوسدونن گئچنن سورا اوشاق بويوك ياپيشدي ياخاماكي بو اوشاغي توتوب ساليبلار زيندانا باشي سوئوقلوق ائلمه گور نه ايش گوره جكسن *منيم ده كي اليمنن بير ايش گله سي دويور قالميشام كسيله كسيله *ائله بير تانيشيم يوخ *نه دالي يانيمدا پولوم يوخ * نه ائلييم باشيما نه داش ساليم بوغازيمنان آلينميشام * ياديما دوشدوكي بيزيم ((خالا نوه سي )) دادگاهين قاباغيندا عرضه نويس دي *اوزونونده هر ايشده الي وار مسجيده پيش ناماز ائلييب* ناماز جمعه ده شعاروئريب آراليقدادا ايش دوزلدر *اوزوده الله ساخلاميشين آلنيندا گيرده كان زييلي كيمين اوري *چال سققه لي چوپور اوزي گئجه آدامين يوخوسونا گلسه آغزي گوزي اءيلر *قديمنن دئيبلر بالا آدامي دوشمان قاپيسينا آپارار*دورودوم اوتانا اوتانا گئديم اونون اوسدونه كي خالا نوه سي نه گونون آداميسان قاداسين آليم * ايش بئله ائشيك بئله *گور فاميله نه ايش گوره بيلرسن به گوناه يره  دده سيز اوشاغي بير آيدي ساليبلار بيزولوغا *بونوداكي همشه دوره بري دولي اولور* منيم سوزلريمين ياريسين ائشيديب ياريسينا جوئه قاتدي *گوزلريده آلچا دنه سي كيمين چري ليكدن مژمه اوسده اوينور *بي ناهار قاباغينداساللاننان سونرا دئدي هله سن گئد گوروم نه ايش گوره بيله رم *تزه قازاماتجي گليب هيچ كسين سوزونه باخمير *اما نيگران اولما الله كريم دي *اوزوم گلر گلمز قه يتديم ائوه اما بير ايغيم گئدير

بيريسي گئدمير *بيليرم كي اويده كيلر باشيما قيشقيريب اوزومه مين دنه سوز حواله ائله مكدن سونرا سوزلزي اولميياجاق *آرواديندا اومماسي بئله قاراليب كي چتين بيليرم دورا اياق اوسده *چوخ كوزتده ديم گوردوم خالا نوه سينن خبر چيخمادي گنه چارامي الله كسدي دوردوم گئديم *مني گورن همين بو اوزومو اواوزومو مارچ مورچ ايكي سيگار آليشديريب بيرين منيم دوداقيما سانجيب بيرينده اوزي چكدي * اوزاوزومه دئديم خير اولا خالا نوه سي بئله كرامته مينيب كي بير چوپ سيگاري بير يوللوق هدره باغيشلاماز *هي بي يانيما گئچير اويانما گئچير *خولاصه سوزون باشين آشدي *آخي بيليرسن نه وار اوگون سيز گلميشديز من نچه نفره اوز ويرميشام *گوجونن بيرين راضي ائله ميشم يوز مين وئرك تا سيزين پرونده زين دالين توتسون *داي

بوننان آرتيق اليمنن بير ايش گله سي دويور *گور بورشدان خشدن ائلييب گتيره بيلرسن يايوخ *بو تز تز دانيشير منده كي گوزلريمي تاپديرام *اوره گيمنن آلينميشام كيمه آغيز آچيم *اولمادي بير جورساغ اولاشيب ائوه قايتديم *اولوب قالان سوزي خانيم آقاغانين قولوغونا خولاصه ائلييب *گئشديم حاماما * گونوز فهله ليك ائلييب گئجه نگهبان قالديغيم يردنده هر گون پيغام پسغام گليركي ايش اوسدونه گئدمه سم *چيخارداجاغلار * اوزاوزومه دئديم كي ياخجي سي بودور گئديم ايشين اوسدونه همي گورسه نيم قضيه ني دئييم بلكه ده آغيز آچيب يوز مين آلديم *ايشي يانليق ائله ديم قيسيلاقيسيلااوزوم گلر گلمز گئديم *اما نجور گئديم الله دان اولوم ايستيرم *ايش صاحابي مني گورن كيمين باشلادي دالاماغا رحمتديك اوغلي گلميسن دئنن داگئجه اوغري گليب حيت باجادا نه واردي يغيب آپاريب *ايشي بئله گورنده اوز سوزومي دئييم ياواججالي بوروقي دودوم *بيلديم كي بو ايمام زادادان منه شافا اولميياجاق *اوش دورد نفره آغيز آچاننان سونرا اليم بوشا چيخيب گلديم اوتودوم يريمده *آروادا گونده سوروشور نه ايش گوره بيلديم * چارامين يوخلوغوننان هي بوگون صابا ائليرم * اما اودا بيليركي من بير ايش گوره بيلمه ميشم *بير گون دور دوگونون آچيب توي بيليزليگين گوتوروب هاي باسدي آلا آپار سات اوشاغيمي چيخارت گتير/منده كي بيري بيلمه سين قيزيلچيلارين بيرينده ساتيب پولي گوتوردوم خالا نوه سي نين يانينا /بورنونا ائي دئين خالانوه سيده

قديم كي دويور آدامي دوز كيمين يالير /اوشاقي بويوگي خانيمي يدي قونشوني آدباآد خبر آلاننان سونرا قوجاق قوجاق سالام دوعا منه يوكله دي كي اونلارا آپارام / بوننان قاباق اولوموزون اوسدونه گلميين خالا نوه سي ايندي كولگه ميزه سالام گوندرير / سوز اوزانماسين پولي نقد ائلييب بالاجا كاغاذ منه وئردي يول لادي اوخاري /منده كي به ساوادام يازي پوزوني اوخويانميرام /تپيله تپيله سوروشا سوروشا گئديم رئسين اتاغين تاپديم /ايسده ديم گئچم ايچري قاپي چي توتدي قاباغيمي بلي مشهدي خير اولا / دئديم والله حاجي آقئي نان ايشيم واردي /مني ايتلييب دالا دئدي اولماز / نقدر يالوارديم ياخارديم دئدي اولماز كي اولماز /جيبيمنن كاغاذي چيخارديم كي مني تاپشيران وار /كاغاذي آپاردي ايچري گلدي كي بويور گئچ كي حاجي ايستير گئده نامازا /اوتانا اوتانا گئچديم ايچري/ سالام وئريب الي قوينوندا دايانديم /گوردوم دوز دئيير حاجي قولارين چيرماييب دستازمازلييا اوخشور /هاچان نان هاچانا باشين قوزييب قاش قاباغينان سوروشدي نه ايشين وار بويور / ديليم توتار توتماز دئديم قربان ايش بئله ديركي بيزيم نوه ني توتوبلاراوچ آيدي زينداندادي /سوروشدي جرمي ندي /دئديم آقا ماهواره جريانيدي / باشين تولاييب دئدي سن اونون نه ايسن آدين نمنه دير /اسه اسه دئديم كي نوكرون قيز نوه مدي آديمدا (قلئي چي مورتوض)دي/ سوزوم قوتاريب قوتارماميش سه سين آلدي باشينا كي سن بيلميسن ماهواره ني اويده ساخلاماغين جرمي وار /سني كيمين قوجا كيشي لركرك تهاجم فرهنگي نين قاباغيندادايانيب دوشمانين گوزون چيخارداسيز هيچ /تهاجم فرهنگي يه قول قويسوز/ عرض ائله ديم قربان دوز

بويوروسوز قضيه ايندي كي دويور كي تهاجم فرهنگي بو خارابا   لميشا(پامادورونان ) باشلانيب / اوزامان پامادور وارد اولاندا امت ولايت مدار قاباغيندا دايانسيدي /ايش گليب بو يره چاتمازدي / دوشمانلارين اويي يخيليب اولدن بيزيم مسلمانليقيميزي گوزلري گوزلري گوتورمه دي /ائله  ظونا گوره ديركي / اول پامادور موز سورادان =اوز ياغي=چارخ=ماشين=برق=تلفن=قاطار=مترو=هواپيما=سينما=راديو= ضبط سوت=ايندي ده گوروسوز تپيك دوي تپيك دوي آت قاطير جونگه /اينترنت تهاجمات ائليللر /سيز بويوران كيمين مسلمانليغين يولي /آت قاطير دوه يوليدي / نه كي ماشين قاطاريولي/بيزيم اوي آدامينين نه نه باباسي اولاغينان گئدميشدي مشهده منيم رحمت ديك ددم اولونجه سققل ويرمادي هيچ ليفه شالواري خارال گوي نگي رزين گالوشي اءي نينن  يخمادي/ياديزا

گليركي اول لرده دييرديلر راديوتلويزيونا باخماق حارامدي /حاجي آقاايندي كي لرين اوزي يانسين اوتانما موتانما بيلميلر / بي ادب ليك دي قولوقوزدا اوشاقلارين نه نه سي بيزه گلنده اون اوچ ياشي واريدي / منيم قيرخ بش ياشيم / هيچ اوزونون خبر اولمادان بويوك باباسي اره وئردي /ايندي كي قيزلارين يرمي اوتوز ياشينا چاتميينجا اره گئدميلر /اودي گوزلري آچيلير داي هر كسي به ينميلر /ائله تهاجم فرهنگي نين شري نن ((ميرزه علي اكبرآقا))اردبيلده قاداغا قويموشدي/ قيزلارين يوخ اوغلانلارين اوش قولله ساوادلاري كفايت ائلر / الن بو تلويزين كي وارجنابوزداهردن چيخيش ائليرسيز / تهاجم فرهنگي دويور بس ندير /خالقين نه نه باجي سين آپاريب

گؤنده ر     بؤلوم لر: تورك كيمليي