+ به يه ن
آتابابا سؤزلري (4)
اولاندا حالاي حالاي ، اولماياندا حاليم قولاي
♦♦♦♦♦♦♦♦♦♦♦♦♦♦
شرطي شوخوم دا كس ، خرمن ده داوايا قالما
♦♦♦♦♦♦♦♦♦♦♦♦♦♦
قيش گئدر ، اوزو قاراليخ كؤموره قالار
♦♦♦♦♦♦♦♦♦♦♦♦♦♦
داما داما گؤل اولار ، آخا آخا سئل اولار
♦♦♦♦♦♦♦♦♦♦♦♦♦♦
ايت ياتار قايا كؤلگسينده ، دئيَر اؤز كؤلگمدي
♦♦♦♦♦♦♦♦♦♦♦♦♦♦
اوجوز اَتين شورباسي اولماز
♦♦♦♦♦♦♦♦♦♦♦♦♦♦
دالدان آتيلان داش توپوغا ديَر
♦♦♦♦♦♦♦♦♦♦♦♦♦♦
ياي وار،قيش وار، توكنمييَن ايش وار
♦♦♦♦♦♦♦♦♦♦♦♦♦♦
قوناق قوناغي ايستمز ، ائو صاحابي هئچ بيرين
♦♦♦♦♦♦♦♦♦♦♦♦♦♦
يئتيم يئتيم دئيَن چوخ اولار ، چؤرك وئرن اولماز
♦♦♦♦♦♦♦♦♦♦♦♦♦♦
بير گئديرم گئديرم دن قورخ ، بير يئميرم يئميرم دن
♦♦♦♦♦♦♦♦♦♦♦♦♦♦
پنيري دري ساخلار ، آروادي اَري
♦♦♦♦♦♦♦♦♦♦♦♦♦♦
قوناق گلر قوش كيمي ، چيخار گئدر قيش كيمي
♦♦♦♦♦♦♦♦♦♦♦♦♦♦
كئچل داوا ائله سه ، اؤز باشينا ائله ر
♦♦♦♦♦♦♦♦♦♦♦♦♦♦
داغ آش تئز بوزلار
♦♦♦♦♦♦♦♦♦♦♦♦♦♦
يئل گلنده كورا ميلچگه فاتحه
♦♦♦♦♦♦♦♦♦♦♦♦♦♦
كئچل باخار گوزگويه ، آدين قويار اؤزگيه
♦♦♦♦♦♦♦♦♦♦♦♦♦♦
ايكي ائشيد ، بير دانيش
♦♦♦♦♦♦♦♦♦♦♦♦♦♦
اؤز ائلينه يانان كول اولماز
♦♦♦♦♦♦♦♦♦♦♦♦♦♦
گؤنده ر
بؤلوم لر:
تورك كيمليي