+ به يه ن
ديديم: اي غنچه دهن، كونلومي قان ائيله‌ميسن!
ديدي: «بي‌جا يئره عشقمده فغان ائيله‌ميسن»!
ديديم: انصاف ائيله اينجيتمه مني عاشقينم...
ديدي: «گئت!،سرّيمي دنيايه عيان ائيله‌ميسن»
ديديم: آغلاتما مني سرو بويون شوقينده!
ديدي: «گوز ياشيني بيهوده روان ائيله‌ميسن»
ديديم: آخر گوزليم، باغ و بهاريم سنسن
ديدي: «سن عمريني حسرتله خزان ائيله‌ميسن»
ديديم: آز چكمه‌ميشم گوزلرينين حسرتيني
ديدي: «اؤز كونلوني يئر سيز نگران ائيله‌ميسن»
ديديم: عشقينده اسيرم، منه بس خيري نه‌دير؟
ديدي: «اولده بو سوداده زيان ائيله‌ميسن»
ديديم: عشق آتشي نيلر منه؟ قورخان ده‌گيلم
ديدي: «بيچاره يانارسان! نه گومان ائيله ميسن»؟
ديديم: اي گل! من ازلدن‌ده گوزه‌ل عاشقيم
ديدي: «سن روحيني عشق‌ائيله جوان ائيله‌ميسن»
ديديم: هر گون سر كوي‌ينده دولانماقدر ايشيم
ديدي: «واحد، نه گوزه‌ل يئرده مكان ائيله‌ميسن»
« علي آقا واحد »
سن نئجه يار سن هئچ اغياريله فرقين يوخوموش
سن نئجه
گون سن هئچ شمعيله فرقين يوخوموش
نقدر نازووه
من برده
كيمين هي سورونوم
بلكه من بيلمميشم سنده
لطافت يوخوموش
هي
دالونجا بو كوچه ،پس كوچه دن
يوللانيرام
بئله فيكر
ايليرم يوللارا
مقصد يوخوموش
يا كي مقصد
وارو سن
آيري خيال ايلميسن
ائله فيكر
ايليسن منده
تفكر يوخوموش
هر نه فيكر
ايليسن فيكروه
ثابت قدم اول
قوي دئسونلر فخريده بو امره تمنا يوخوموش
ساييرام
قاپلاري بير بير كي چاتام مقصديمه
اما بيله آگاه
اولورام ياريمه
منزل يوخوموش
تيكجم
عشق ومحبتدن اول ياريمه بير منزل
كي گوروب
بيلسين اونون اوستونه بيركاخ يوخوموش
فخريا،
عشقسيز هر كس كي بو دنياده ياشير
بوني بيل اوندا بو دنيايه لياقت
يوخوموش
تا دولانديردون منه اي ماه سيما گوزلرون
گوستريبدور منده اعجاز مسيحا گوزلرون
يل ووروب زولفون سالاندا صفحه رخساروه
بير ايشاريله خسوفي ائتدي معنا گوزلرون
كيمدن اوره نميش نگارا بيلميرم غارت يولون ؟
بير باخيشدا هر نه ييم وار ائتدي يغما گوزلرون
من دئديم دل مولكوني تسخير ائده نمز بير نفر
يازدي كونلومده ولي انا فتحنا گوزلرون
گوز يوموبسان منيم گوزوم ياشينا
بير بوداق دان نه چاتدي سويله سنه
كسگينن پايلا هر گلن گئدنه
سنده بير آيري نانجيب گئديسه ن
كاش گوريدي گوزون نه گلدي منه
اونداكي سويله دين گرك قوتاراق
كاش بيليديم هارا قونوب اورگين
كيم سنه كونلوني سريب گئديسن
منده ديوارنه اولمارام گلنه
قويمارام گوزلري مني بيه نه
قلبيمي وئرميسن فريب گئديسه ن
سويلييب سه ن كي ايستمزباريشاق
سوزلريم قلبيوه گليب گئديسه ن
ايندي آغلير كربلا شاهي سيزين احواليزا
راد مردان خدا اؤلمز هميشه زنده دير
سيز اؤلورسوز باخمايين بو جارو بو جنجاليزا
امت بي غئيرتي نئيلر امام تشنه لب؟
احتياجي يوخ سيزين بير قطره اشك آليزا
آغلاماق وئرمز نتيجه ، عزت دين اولماسا
يا گولون يا آغلايين يا كول ياخين ساققاليزا
شيمردن آرتيق حسينه سيز اذيت ائيله ديز
اي خلاف شرع ائدنلر! بير باخين اعماليزا
شيمر بير دفعه حسيني اؤلدوروب ، مين دفعه سيز
اؤلدوره رسيز گر دوشه ايندي سيزين چنگاليزا
سؤزلريز غيبتدي ، بؤهتاندي، يالاندي ايفتيرا
نه وئره ر آللاه سيزين بو خشگه قيل و قاليزا
بير بئله داد و فغان ائتديز حسينه آغلاديز
اي منافيق لر! نه آلديز باغلاديز دسماليزا؟!
نور چشم مصطفي، محبوب رب العالمين
دوز مسلماني سئور آند اولسون استقلاليزا
خامس آل عباني بيلمه ديز مقصوديني
ايسته دي رونق وئره سيزين اجلاليزا
شرقدن غربه گره ك سيز اولايديز حكمران
ليك سيز آماده سيز ايندي اؤز اضمحلاليزا
پاكدل انسان سيزي گؤرسه يقين گمراه اولار
كيم سيزي ناپاك ائديب لعنت گله غساليزا
خلقي شئيطان توولاياندا ، توولويورسوز شئيطاني سيز
مات و حئيران قالميشام بو شيوه اغفاليزا
يا گلين بو درگه سلطانه سيز اصلاح اولون
يا گئدين تابع اولون بير دفعه اؤز دجاليزا!
اهل قرآن سيز اگر، قرآنيله رفتار ائدين
ناطق قرآن سيزين باخسين گؤزل اعماليزا
زير بار ظلمه او عالمده بير آن گئتمه دي
سيز ولي بير عؤمر آلديز بار ذلت داليزا
لعنت پروردگار اولسون گؤروم صبح و مسا
پيي پارافيندن قاييرما ياغ ساتان باققاليزا
واردي بير عده حسينچي پاكدامن بي ريا
نه سيزه بنزه ر اولار، نه سيزين امثاليزا
من سيزه آللاهدان هر وقت توفيق ايسته رم
سيز ده توفيق ايسته يين « حـداد » تك نقاليزا
گؤنده ر
بؤلوم لر:
تورك كيمليي