+ به يه ن
آق داغيم دال داياغيم قدي كمانيم
اولموسان جسميده جانيم
بيرتك عمرومده گومانيم
درد گلميش گورورم قاش قاباغوندان
ائچرون يانمادا باشدا قاروندان
غم ياغير دردواروندان
ياي قيشون ايلك باهاروندان
منده سن تك يانيرام
چكديگون غم لري بيربيرسانيرام
تاريا يالواريرام
اورگون غصه لري بيرجه آزالسين
ياشاييب ائللريميز سنله اوجالسين
كاما چادقجا اوجالسين
توكرك غصه لري چايلار آپارسين
بيليرم بو فلكين دردينه دوزمكده چتيندير
قانيرام دردوي ايندي
اورگيم غمله بورندي
ديندير مني قوي سوروشوم لاله لروندن
او بولود هاله لروندن
باش آچيم ناله لروندن
قانادي خاللي او پروانه لروندن
آق داغيم غم چاناغيم
بير مني ديندير بير سئويندير
واژه لردن دوزورم شعريمه بيربير
آتيرام دشمنه بير تير
بوكدر گونلومي ديندير
سنه باغلاندي جانيم روز ازلدن
خوش اوكس آد آلا سندن
عشقه فرهاد اولا سندن
سورولر سنده ياييلميش چوبانين نئي هوسينده
نه يانيق لي هاوالار وار نفسينده
سگاهي چكمه سسينده
هامي دايانيب مات باخيرلار
گاه بولوتلار يرييب گاهدان آخيرلار
باغلارين عطرين آليب گاه بوراخيلار
دوزلرين لاله ريندن گوتوروب باشدا تاخيلار
نر اوگوز قوشمادا جوتجي
دوزلرونده اگيري بذر محبت
او ديانت يوكونه وئرمده قيمت
تاپيري گورنه شرافت نچه ميلت نچه دولت
آق داغيم بال بوياغيم
شانلي داغيم
بيرمني ديندير بيرسئويندير
وئر قولاغ سس گليري ائليمين بذ قالاسيندان
اونا جان جان دييرك قيز قالاسيندان
ائله قوربان وئرريك اوز بالاسيندان
ائتمه ريك واهمه دوشمان داواسيندان
اينجيريك ديل بيلنين داش پاراسيندان
دانيشيم بو فلكين من هاراسيندان
آغي سئجمير قاراسيندان
آق داغيم ائل داياغيم
منده سن تك آچارام سينه مي دوشمان قاباغيندا
يتيشيب بابكه قارشي دييرم غملي چاغيندا
قارداشون گلدي آتون سور ائليمين قهرمان اوغلي
دنيا سوردوكجه اوزون آي جاوان اوغلي
قاپيسي باغلانان اوغلي
ظلميله دوغرانان اوغلي
آق داغيم
ديل داماغيم
بو كدر گونلومي ديندير
بيرسئوندير
گورورم باشدا قارون ديبده نارون وار
چمده گهليك ياتاغي باشداغ سارون وار
اولا قوشلار يوواسي دردووارين وار
يل سازاخ ديمه باخ گور نه تارون وار
سازا مضراب دييرك آه زارون وار
شوكر ائله باشدا تارون وار
شوكر باشدا طاريم وار
اوزووه پرده توتوبسان
گوروررم قيشدا بولودان
ايچرون يانيسان گور نجه اوتدان
قيش قاري باشدا گلين تك انير آتدان
ايليشيب سنده دومان خاللي قاناتدان
گوزلير ياز گله
آچيلا پرده اوزوندن
قاينيا چشمه لرون ياشلي گوزوندن
آچيلا بوزلي قيرو بلكه سوزوندن
بيز درك لاله اوگون ياشيل دوزندن
يا ز گليب
تيرمه ياشيلدان بورونوبسن
دنيا دوندوگجه گولوم سن سورونوبسن
چاغيراندا ساوالان سنده دونوبسن
اوني غملي گوررك سنده چونوبسن
اوگولوب سن سئويني بسن
آتمييبسان ائليمي برتده ياماندا
قوتاريبسان اولاري اوتدا يا نا ندا
دوه كرواني گليب سنده قالاندا
دوه لر بوينونا زنگوله سالاندا
يتيريبسن ائليمين
شوكتيني هنديله چينه
پنبه كرواني دوزولموشسه يمينه
قالاجاق سنده نشان دونسه قرينه
اولاجاق آينا چيراغ ملك برينه
اوراتور نسلي گلنده
سنه سجاده قوروبدير
هامي داغلار گئچرك سنده دوروبدير
آذريم تللريني بيردا هوروبدير
قوجا شاعرلريم عومرون بو ديار اوسته سوروبدير
شهريار دلبريني سنده گوروبدير
بيردا معراجه گئديبدير
آتروپات
باغلادي دوشمان يولوني قويمادي گلسين
ائل اوبا سرريني بيلسين
آنا اوربنديني گورسون
آق داغيم
غم چاناغيم
يانيرام ايندي گونش تك
مني ديندير بيرسئويندير
باخيرام من خيالين پنچره سيندن
گورورم كيواني ازناو دره سيندن
بويلانير آتلاري بيربيربره سيندن
آتلارين شيحه سسيندن
قور ياغير هر نفسيدن
منتظيردي گله فرمان اونا سحرون قلعه سيندن
ائليمه كچ باخانين بوردورا بوينون
سوردوره آت قاباغيندايارا قوينون
يتيره مقصده اويونون
گئچدي ماد دوراني باخ ايندي دونوبدي
يانار آتشكده لر ايندي سونوبدي
ظلم الي ائلريمي گور نه بولوبدي
دين ديانت يغيشيب ازدم اولوبدي
من اولدوز اولام آخماليام سن قالاجاق سان
اورگيم درديني بيربيرقاناجاق سان
اوگوزللر سراغين بيرآلاجاق سان
مني ده يادووه هردن سالاجاق سان
چكديگيم دردلريمه بيرياناجاق سان
مني ده ائل سايبان قبريمه كولگه سالاجاق سان
آيريليق نغمه لريندن چالاراق سن دولاجاق سان
درد اليندن دولاجاق سان
غم چولقاييب
ائلچي
سنه گور درد ديل ايله ر
شير كيمي داردا قاليب زنجيري چينر
غم دير باشيما ياغمادا سيلير
فوران ائتمه سوزلر طبعي قه ينر
بو فلك گور منه نئيلر
بو فلك گور منه نئيلر
گؤنده ر
بؤلوم لر:
تورك كيمليي